Սոսիների պուրակ

Գտնվում է Ծավ և Շիկահող գետերի ափին՝ Շիկահողի արգելոցի հարևանությամբ՝ 700-800 մ բարձրություններում։

Հենց այս արգելավայրի տարածքում է գտնվում արևելյան սոսու ամենախոշոր պուրակը Կովկասում։ Ֆաունայով և ֆլորայով հարուստ այս պուրակում աճում են 1000֊ից ավելի սոսու ծառեր, որոնց բարձրությունը 30-35 մետր է։

Արգելոցի ֆլորայի 18 տեսակներ գրանցված են նախկին ԽՍՀՄ-ի Կարմիր գրքում։ Թռչնաֆաունան ներկայացված է 135 տեսակներով։ Կա կաթնասունների 37 տեսակ, որոնցից կովկասյան ընձառյուծը, բեզոարյան այծն ու գորշ արջը գրանցված են Միջազգային կարմիր ցուցակում։